Lefapha la Tshireletso ya Baagi le Dipalangwa le filwe maikarabelo a go ela tlhoko le go lepa ditsamaiso tsa sepodisi,go golaganya ditsamaiso tsa thibelo ya bosinyi,go ruta badirisi ba tsela ka ipabalelo tseleng le go dirisa melao le melawana ya pharakano.

Mo go fitlhelelang maikarabelo a a kailweng mogodimo,Lefapha le tlhomile lekala la dingongorego,le le tobileng go amogela dingongorego tse latelang:

tsamaiso e e sa lolamang ya seteishene sa sepodisi

kgaogo ya dikgolagano magareng ga sepodisi le setshaba

go sa batlisesiweng sentle kgotsa patlisiso e e sa kgotsofatseng ya dikgesti,le go sa yeng ka molao

maemo a a sannang sentle kgotsa a a sa kgotsofatseng a ditirelo/dikago tsa sepodisi

go sa fiwe dintlha tsa dipatlisiso tsa kgetsi ka botlalo

go gana go tsaya kgotsa go amogela dikgetsi

go diega go go feteletseng kgotsa go sa goroge kwa lefelong laa diragalo kgotsa la kotsi

Tiriso dikgoka mogae kgotsa molapeng

Lefapha ga le na tetla ya go tlhotlhomisa dingongorego tse di ka fa tlase ga:

INDEPENDENT POLICE INVESTIGATIVE DIRECTORATE

-e na le dithata tsa go tlhotlhomisa dingongorego tse di tshwanang le goswela ga bagolegwa mo diatleng tsa sepodisi mmogo le ditiro tsa bobodu kgatlanong le mapodisi.

PUBLIC PROTECTOR

-o na le dithata tsa go batlisisa tsamaiso e e sokameng,tiriso e e botlhaswa ya dithata,go tlhoka boikanyego le go ikhumisa go se yeng ka molao ga badiredi ba puso kgotsa ditheo tse di amanang le puso.

HUMAN RIGHTS COMMISSION

-e na le dithata tsa go batlisisa dingongorego tsotlhe tse di amanang le bosemorafe,ga mmogo le kgatako ya ditshwanelo tsa botho.

COMMISSION FOR GENDER EQUALITY

-e tlhotlhomisa dikgatako tshotlhe tse di amanang le tekatekano ya bong